Shefi i Zyrës së BE-së në Kosovë, Tomas Szunyog, u ka bërë thirrje qytetarëve të Kosovës për respektim të rregullave pas një janarit kur do të mund të lëvizin lirshëm pa viza.
Ai bashkë me ambasadorin gjerman në Kosovë Joern Rohde, të Francës Oliver Guerot dhe të Italisë, Antonello De Riu kanë marrë pjesë në fillimin e fushatën informuese për liberalizimin e vizave.
Szunyog më tej ka shtuar se kosovarët mund të shtojnë Evropën, të vizitojnë familjarët e tyre, por që nuk kanë të drejtë të punojnë e qëndrojnë gjatë në vendet evropiane.
“Liberalizimi i vizave do të bëhet me 1 janar të vitit të ardhshëm. Kosovarët do të mund të udhëtojnë në Evropë për të parë bukuritë e saj, qytetet evropiane dhe familjarët e tyre”, shkruan EO.
Sipas tij, është e rëndësishme mbajtja e kampanjës që njerëzve t’iu shpjegohet se çfarë është liberalizimi i vizave.
“Njerëzit duhet ta kuptojnë që ka rregulla. Rregullat duhet të ndiqen. Të gjithë duhet ta kuptojnë se liberalizimi i vizave do të thotë liberalizim i vizave për turistë. Nuk është për qëndrime të gjata, nuk është për punë, as studentë”, tha ai.