Kandidati për deputet nga Lidhja Demokratike e Kosovës (LDK), Ruzhdi Shehu, ka thënë se LDK ka dalë forca e parë në Junik pas numërimit të votave nga mërgata dhe se partia ka shënuar rritje në rezultatet preliminare.
Përmes një postimi në Facebook, Shehu ka falënderuar qytetarët për pjesëmarrjen në zgjedhje, duke theksuar se procesi është zhvilluar me maturi dhe përgjegjësi.
Ai ka deklaruar se, sipas tij, Kosova ka dëshmuar edhe një herë demokraci funksionale, ku qytetarët japin besimin por edhe ndëshkojnë politikisht.
Shehu ka shtuar se LDK ka shënuar rritje rreth 5 për qind dhe se, sipas tij, partia mbetet zgjidhja për tejkalimin e bllokadave institucionale dhe ecjen përpara të vendit.