Shembet ndërtesa dhjetëkatëshe në Iran, pesë të vdekur e dhjetëra të zhdukur

Pesë persona kanë vdekur dhe dhjetëra të tjerë raportohet se janë bllokuar pasi një ndërtesë e papërfunduar është shembur në Iranin jugperëndimor

Deri në 150 persona mendohet të kenë qenë brenda ndërtesës së Metropol në atë kohë

Pesë persona kanë humbur jetën dhe dhjetëra tjerë dyshohet se gjenden nën rrënoja, pasi një ndërtesë e papërfunduar është shembur në jugperëndim të Iranit.

Organizatë humanitare joqeveritare në Iran, ‘Gjysmëhëna e Kuqe’, ka njoftuar se ekipet e shpëtimit janë duke kërkuar së paku 80 persona që dyshohet se gjenden nën rrënoja të një ndërtese 10-katëshe në qytetin Abadan, shkruan BBC, transmeton Portali D.

Pamjet tregonin se dyshemetë e betonit dhe trarët e çelikut kishin rënë në rrugë poshtë, duke shtypur disa makina. Në fotografi shihet ndërtesa e rrënuar, ndërsa janë shkatërruar edhe disa vetura.

Arsyet e shembjes së ndërtesës ende nuk janë bërë të ditura. Zyrtarët kanë thënë se shkaku i shembjes është akoma nën hetim.

Presidenti iranian, Ebrahim Raisi, i cili ndodhet jashtë vendit, ka urdhëruar menjëherë zëvendës Presidentin e Parë, sapo kishte marr vesh për incidentin në Abadan, për t’i  përdorur të gjitha lehtësitë lokale dhe kombëtare, për të përshpejtuar heqjen e rrënojave dhe për të shpëtuar jetën e të bllokuarve e gjithashtu, për t’u kujdesur për të lënduarit, raporton agjencia e lajmeve Tasnim, trasnmeton Portali D.

Rrënojat e ndërtesës së shembur në Iran, Foto, Tasnim News

Agjencia shtetërore e lajmeve Irna ka raportuar se ndërtesa Metropole ndodhej në rrugën më të ngarkuar tregtare të Abadan dhe se incidenti ka ndodhur të hënën rreth orës 12:30.

Deri më tani 25 të mbijetuarit që janë gjetur të plagosur janë nxjerrë nga rrënojat së bashku me pesë të vdekur.

Agjencia e lajmeve e linjës së ashpër Tasnim, ka cituar një zyrtar në departamentin e zjarrfikësve të Abadanit, i cili ka thënë se mes 100 dhe 150 njerëz mendohet të kenë qenë brenda ndërtesës në kohën e shembjes, pavarësisht se ajo ishte në ndërtim e sipër.

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika