Të enjten e 14 korrikut, në Gjakovë u shënua 232-vjetori i Teqesë Bektashiane. Për nderim të kësaj dite nga Tirana ka ardhur Haxhi Dedebaba Edmond Brahimaj dhe kreu i Kryegjyshatës Botërore Bektashiane.
Kryegjyshi, i cili përkujdeset për Teqenë Bektashiane u ka bërë thirrje të rinjve ta duan atdheun.
Me këtë rast kanë folur dhe kryetari i protestantëve e ipeshkivi i Kosovës, të cilët kanë thënë se populli shqiptar ka tolerancë fetare.
Në këtë përvjetor është kërkuar që komuniteti bektashi të njihet zyrtarisht në Kosovë me të drejta të plota.
Në fund u organizua dhe një ekspozitë me fotografi për teqenë e vjetër të Gjakovës.
Kjo datë shënon përvjetorin e dhjetë të përurimit të objektit të ri të teqesë, që u rindërtua pasi objekti i vjetër ishte cak i djegieve e shkatërrimeve të pushtuesit serb më 1999.