Prishtina ka hyrë në atmosferën magjike të festave të fundvitit me ndezjen e dritave dekorative në sheshin qendror. Drejtoresha e Kulturës, Sibel Halimi, e cila bashkë me kryetarin e Kryeqytetit, Përparim Rama, dhe drejtorin e “Sport Marketing”, Bardh Krasniqi, theksoi rëndësinë e këtij momenti për të krijuar një ndjesi bashkimi dhe gëzimi për qytetarët e kryeqytetit.
“Ky është një moment i veçantë, ku Prishtina shndërrohet në një vend të ngrohtë dhe mikpritës për të gjithë. Dekorimet festive simbolizojnë shpresën, dritën dhe unitetin që na duhen më shumë se kurrë,” u shpreh Halimi.
Ndërkohë, sheshi u mbush me qytetarë që shijuan pamjen magjike, ndërsa muzika dhe atmosfera festive krijuan një mbrëmje të veçantë për të gjithë të pranishmit. Kjo iniciativë është pjesë e aktiviteteve kulturore që synojnë të sjellin gëzim dhe harmoni në çdo cep të kryeqytetit gjatë këtij sezoni festiv.