Trajneri i përfaqësueses së Sllovenisë, Matjazh Kek, ka shpallur listën e lojtarëve të ftuar për dy ndeshjet e fundit kualifikuese për Botërorin 2026.
Më 15 nëntor, Sllovenia do të presë Kosovën në Lubjanë, ndërsa më 18 nëntor do të udhëtojë në Solna për të luajtur ndaj Suedisë.
Sllovenia ka nevojë për fitore ndaj Kosovës në mënyrë që të mbajë gjallë shpresat për plejof. Aktualisht, Zvicra udhëheq grupin me 10 pikë, Kosova ka 7, Sllovenia 3, ndërsa Suedia vetëm 1 pikë.
Ylli i Manchester Unitedit, Benjamin Sheshko, është pjesë e listës dhe pritet të udhëheqë sulmin slloven në përballjen me Kosovën.
Portieri i Atletico Madridit, Jan Oblak, është gjithashtu një emër i njohur në ekip, ndërsa pjesa tjetër e lojtarëve luan në klube më të vogla.