Alban Lumi, opinionist dhe Tahir Batatina, trajner nga radhët e ekipit të Llapit, si dhe përmes lidhjes telefonike, Romak Zeqiri nga Telegrafi sport, kanë qenë të ftuar në emisonin “Rreth e Rrotull” për të diskutuar rreth çështjes së përzgjedhësit të ri të Kombëtares së Kosovës.
Opinionisti Alban Lumi theksoi se duhet të përmirësohet atmosfera e brishtë brenda Kombëtares së Kosovës, duke krijuar një atmosferë më të mirë brenda saj.
”Kosovës i duhet një rimobilizim, në mënyrë që të kthehet një atmosferë më e mirë brenda Kombëtares, pasi problemet e brendshme me stafin e Kombëtares kanë ndikuar edhe në rezultet e Kombëtares”, theksoi analisti Lumi.
Në studio ishte i ftuar gjithashtu edhe trajneri nga radhët e ekipit të Llapit, Tahir Batatina, ku dha prognozën e tij rreth selektorit të ri.
“Kosova nuk është dashur të bëjë gabimin e radhës pasi Kosova nuk është një kombëtare, me të cilën, duhet bërë hajgare me të”, ka theksuar ndër të tjera Batatina.
“Kemi problem që duhet të jetë një gjuhë e huaj për të na komanduar”, u shpreh, ndër të tjera Batatina.
Gjithashtu, ai tha se kishte qenë i gatshëm që ta marrë Kombëtaren e ta bëjë krenar gjithë Kosovën.
Njëherit, pati edhe një “debat të vogël” në mes të ftuarve në studio, në mes analistit Lumi, dhe trajnerit Batatina, rreth mospajtimeve me emërimin e përzgjedhësit të ri të Kombëtares së Kosovës në Futboll, Primoz Gliha.
“Vetëm për 6 ndeshjet e ardhshme, Gliha është i përkohëshëm”, u shpreh përmes bisedës video-telefonike, Romak Zeqiri.
Sidoqoftë, kujtojmë se para disa ditësh slloveni Primoz Gliha është emëruar përzgjedhës i ri për Kombëtaren e Kosovës.