Shkarkohen 11 zyrtarë të Shërbimit të Jashtëm nga MPJD-ja

Ministria e Punëve të Jashtme dhe Diasporës (MPJD) ka bërë të ditur se tashmë ua ka ndërprerë marrëdhënien e punës 11 punonjësve të kësaj ministrie, të cilët ishin anëtarë të shërbimit të jashtëm.

Përmes një komunikate për media, ministria ka njoftuar se ky shkarkim është bërë të mërkurën e 16 marsit.

Nga ky njoftim bëhet e ditur se vendimi është marrë në vazhdën e masave për vendosjen e ligjshmërisë në administratën publike të Kosovës dhe anulimit të vendimeve të jashtëligjshme, të marra në të kaluarën.

Po ashtu, ministria ka njoftuar se personat e liruar nga detyra janë punësuar pa iu nënshtruar procedurave të rregullta të pranimit në shërbimin e jashtëm, të përcaktuara me Ligjin për Shërbimin e Jashtëm të Kosovës.

“Personat e liruar nga detyra janë punësuar pa iu nënshtruar procedurave të rregullta të pranimit në shërbimin e jashtëm, të përcaktuara me Ligjin për Shërbimin e Jashtëm të Republikës së Kosovës dhe as procedurave dhe rregullave të pranimit sipas Ligjit për Shërbimin Civil të Republikës së Kosovës, i zbatueshëm në kohën kur këta persona janë emëruar në shërbimin e jashtëm”, thuhet në njoftimin e MPJD-së.

Sipas ministrisë, ata kanë hyrë dhe janë konsideruar anëtarë të shërbimit të jashtëm përmes vendimeve arbitrare.

“Keqpërdorimi i parasë publike dhe punësimet e paligjshme nuk kanë vend në administratën publike dhe do të ndalen dhe luftohen me vendosmëri”, vijon njoftimi.

Ndërkaq, në njoftim theksohet se ministria po shqyrton edhe masa që duhen ndërmarrë për zyrtarët përgjegjës për punësimin e paligjshëm të personave të shkarkuar.

Ndërkohë, në maj të vitit 2021, MPJD kishte liruar nga detyra 13 ambasadorë politikë.

Kjo ministri, i kishte propozuar presidentes në Kosovë, Vjosa Osmani, të lirojë nga detyra dhe të tërheqë nga misioni diplomatik  të gjithë ambasadorët e Kosovës, të cilët ishin të emrëuar politikisht.

 

Shija e redaktorit

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

“You have no idea”, paradoksi i jetës së përditshme

Si të shprehim diçka që s’mund të thuhet? Si ta artikulojmë të paartikulueshmen? Si ta mendojmë të pamendueshmen? "You have no idea" (Ju s'e...

Më të lexuarat

Video ekskluzive nga incidenti në Pejë

Një zënkë verbale në mes të pronarëve të dy dyqaneve në qytetin e Pejës, ka dërguar deri te përdorimi i armës së zjarrit. Sipas burimeve...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika