Shkolla “Branko Radicevic”, e cila ndodhet në Komunën e Obiliqit. Aty mësim marrin nxënës të cilët janë të komunitetit serb. Por edhe mësimdhënësit janë të po këtij komuniteti të cilët nuk i ndjekin kurrikulat e Ministrisë së Arsimit.
Madje mësuesit aty, as nuk paguhen nga shteti i Kosovës.
Këtë e konfirmon edhe drejtori i kësaj shkolle, i cili nuk deshi të flasë para kamerës. Ai shkurtimit i tha televizionit se pagat i marrin nga Serbia, por edhe direktivat i marrin nga atje.
Në Komunën e Obiliqit thonë se më herët stafi ishte paguar edhe nga komuna. Sipas drejtorit të Arsimit, në këtë shkollë bëhet politikë me fëmijë.
“Në drejtorinë e mëhershme që ka qenë drejtori para meje, Agim Spahiu i ka hjek edhe prej listës së pagave se faktikisht aty mësim nuk ka as nuk ka pas. Aty vec janë tu i maltretu ata fëmijë edhe tu bo politikë, nuk e di pse bëhet kjo politikë” ka thënë drejtori i Arsimit në Obiliq, Sahit Zeqiri.
Si kjo shkollë ka edhe të tjera në komunat e banuara me shumicë serbe.
E ministrja e Arsimit, Arbërie Nagavci, fajin ia lë komunave, për shkak të ligjit për Qeverisje Lokale.
“Sa i përket cështjes së mësimdhënësve serb ju e dini që është rezultat i ligjeve që kemi në fuqi specifikisht edhe ligji për komuna i cili parasheh decintralizim dhe ju jep kompetenca tejet të mëdhaja komunave me shumicvë serbe, ligj i cili nuk mund të ndryshohet në kuvend pa e pas edhe së paku edhe një votë nga lista serbe por pertej kësaaj ne kemi pas rezultate në ketë drejtim e dini që kemi adresu qështjen e 32 zyrtarëve serb që për vite janë paguar nga ministria. Kemi analizu edhe listen e pagave për ata që kanë marrë paga të dyfishta”, ka deklaruar Nagavci.
Por kryesuesi i kolegjiumit të arsimit, Samir Shahini e thotë të kundërtën.
“..mendoj që është deklaratë e pamenduar sepse nuk është në kompetencë të komunave që të rregullhet pjesa e korrikulës dhe ajo është problemi kryesor me sistemin paralel, është pjesa e librave dhe korrikulave me të cilat ata punojnë dhe kjo është përgjegjësi vetëm e Ministrisë”, ka thënë Shahini.
Shahini tregon edhe se cfarë kanë në dorë komunat.
“Ligji për qeverisje lokale rregullon pjesën e rekrutimit të stafit, menaxhimin e stafit dhe pjesët e tjera të punës administrative të shkollave”, ka shtuar Shahini.
Përndryshe, ani pse funksionimi shkollave paralele në Kosovë konsiderohet problem politik, kjo asnjëherë nuk është diskutuar në takimet për dialogun Kosovë-Serbi.