Edhe sonte në ekranin e RTV Dukagjini, emisioni “Dueli Sportiv” për rreth 2 ore do sjell para jush trajnerët më të njohur të futbollit në vend dhe jo vetëm.
Ballkani ka shkruar histori duke arritur në play-offin e Ligës së Konferencës pasi mposhti pas penalltive Klaksvikun nga Ishujt Faroe.
Në play-off, therandasit do të përballen me skuadrën shqiptare nga Maqedonia e Veriut, FC Shkupin. Ky takim zhvillohet të enjten nga ora 21:00 në stadiumin “Todor Proeski Arena”.
Të shtunën ka nisur edicioni i ri i Superligës së Kosovës në futboll filluar edicioni i ri në Superligën e Kosovës në futboll.
Prishtina dhe Gjilani kanë shënuar fitore në frymën e fundit të ndeshjeve, derisa skuadra nënkampione në fuqi, Drita, ka arritur t’i shmanget humbjes në Mitrovicë, ndonëse në pjesën e parë ishte në disavantazh prej dy golash.
Përballja në mes të FC Drenicës dhe Llapit ka qenë ndeshja e vetme që është zhvilluar sot. Ndeshja në mes të Ballkanit dhe Malishevës nuk është zhvilluar pasi Ballkani është paraqitur në Ligën e Konferencës.
Për të diskutuar për këto tema, sonte në studion e “Dueli Sportiv” do të jenë, Qeqa Krelani – gazetare, Omer Bunjaku – drejtor sportiv i FC Shkupit, Bylbyl Sokoli – analist i rregullt, Afrim Tovërlani – analist i rregullt, Muhamet Dragusha – trajner dhe ish/futbollist.
Emisioni qëndor i sportit në RTV Dukagjini, “Dueli Sportiv” me Ndrec Gjonaj dhe Erza Brahushi, transmetohet çdo të diel nga ora 22:00.