Shoku i Astrit Deharit: Nëse Lëvizja nuk ia zbardh rastin, ai për së vdekuri do ta rrënojë atë

Aktivisti i Lëvizjes Vetëvendosje (LVV), Atdhe Arifi, ka thënë se nëse Lëvizja Vetëvendosje nuk e zbardh rastin e Astrit Deharit, atëherë ajo do të rrënohet

Atdhe Arifi dhe Astrit Dehari

Aktivisti i Lëvizjes Vetëvendosje, Atdhe Arifi, i cili bashkë me Astrit Deharin dhe të tjerët ishte akuzuar për sulm ndaj Kuvendit të Kosovës, para gjykatës ka folur për gjykimin ndaj tij dhe për shokun e tij, Astrit Dehari.

Në fjalën e mbrojtjes para trupit gjykues, të cilën e ka siguruar Portali Dukagjini, Arifi ka thënë se shkaqet juridike që i përmban aktakuza nuk qëndrojnë.

Arrestimin e tij dhe të shokëve të tij, Arifi e ka quajtur skandaloz dhe se sipas tij është bërë “vetëm pse e kanë kundërshtuar ose e kundërshtojnë servilitetin, nepotizmin e korrupsionin”.

Sipas Arifit, ata po akuzohen vetëm për shkak se kishin qenë aktivistë të Lëvizjes Vetëvendosje.

“Derisa prokuroria nuk ka arritur të individualizojë veprimin e secilit nga ne, kjo nënkupton se ne jemi duke u gjykuar nën të vetmin kusht dhe cilësi – sepse jemi ose kemi qenë dikur aktivistë të Lëvizjes VETËVENDOSJE!. Prandaj nuk kemi individualizim të veprimit por kemi identifikim kolektiv. Kjo, sepse në rend të parë preja e gjahut nuk jemi vetëm ne, por është një organizatë e tërë politike”, ka thënë Arifi.

Tutje, Arifi ka folur edhe për rastin e Astrit Deharit, për të cilin tha se nëse Lëvizja Vetëvendosje nuk e zbardh atë, ajo do të rrëzohet apo rrënohet, njësoj sikurse u ngrit.

“Populli shqiptar, në veçanti ai i Kosovës, Astritin e njeh si njeriun i cili për së vdekuri e rriti dhe ia fitoi zgjedhjet VETËVENDOSJES!, por mos harroni për aq sa e njoh unë si Atdhe politikën, nëse Lëvizja e tij, aktivist i së cilës ishte deri sa u mbyt dhunshëm, nuk ia zbardh rastin, ai për së vdekuri do ta rrëzojë apo ta rrënojë këtë Lëvizje, ashtu siç e ngriti”, ka thënë ai.

“Më falni për emocionet, por nuk jam prej atyre që i vajtoj shokët vetëm para zgjedhjeve ose kur ta kenë përvjetorin. Unë nuk jam aq i pasur, as nuk kam me qindra hektarë tokë, por deri në vdekje më dhimbset çdo m2 e territorit të shtetit e kombit tim. Prandaj Kosova e shqiptaria nuk do ta harrojë kurrë Astrit Deharin”, vijon fjala e tij.

Ndryshe, Prokuroria Speciale e Republikës së Kosovës (PSRK) në dhjetor të vitit 2016, kishte ngritur aktakuzë kundër Frashër Krasniqit, Atdhe Arifit, Egzon Halitit dhe Adea Batushës, të cilët i akuzon për kryerjen e veprës penale të terrorizmit.

Ndaj katër aktivistëve të Vetëvendosjes, PSRK-ja ka ngritur aktakuzë katër muaj, pasi të njëjtit, bashkë me tani të ndjerin Astrit Dehari, u arrestuan si të dyshuar për sulmin e 4 gushtit 2016, ndaj objektit të Kuvendi të Kosovës, por që Dehari kishte vdekur në nëntor të vitit 2016 në qelinë e tij në qendrën e paraburgimit në Prizren.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika