Pak ditë para mbajtjes së marshit për drejtësi të ftuar nga Platforma “Liria Ka Emër”, e thirrur me 2 prill, nga ora 14:00 në Prishtinë, ideatori i platformës, Ismail Tasholli, ka takuar të hënën Shoqatën e të Burgosurve Politikë.
Kryetarin Shefik Sadiku dhe anëtarë tjerë të Shoqatës, Tasholli i ka informuar për idenë e marshit solidarizues dhe organizimin e tij, që do të mbahet një ditë para nisjes së procesit gjyqësor ndaj ish-krerëve të UÇK-së në Hagë.
Kryetari i Shoqatës së të Burgosurve Politikë të Kosovës, Shefik Sadiku dhe anëtarët e pranishëm në këtë takim, deputeti Hydajet Hyseni dhe Berat Luzha, pasi u informuan për qëllimim e marshit konfirmuan mbështetjen për të, ndërsa theksuan se ish-krerët e UÇK-së në Hagë, tash e dy vite po mbahen si të burgosur politikë.
Marshi për drejtësi në mbështetje të ish-krerëve të UÇK-së do të nisë nga sheshi “Zahir Pajaziti” dhe do të vazhdojë në drejtim të sheshit “Skënderbeu”.