Shoqërohen në stacion policor tre persona, dyshohen për posedim të paautorizuar të substancave narkotike

Policia e Kosovës ka bërë të ditur se të shtunën janë shoqëruar në stacion policor tre persona të dyshuar, të cilëve u janë gjetur dhe sekuestruar sasi të substancave narkotike që dyshohet të jenë të llojeve marihuanë dhe kokainë

Policia e Kosovës ka bërë të ditur se të shtunën e 7 janarit, janë shoqëruar në stacion policor tre persona, të cilët dyshohet se ishin të përfshirë në raste kriminale.

Ky ndalim në stacionin policor në Prishtinë erdhi pasi atyre, Policia e stacionit të Lipjanit, mbrëmjen e 6 janarit, u ka gjetur dhe sekuestruar sasi të substancave narkotike.

Substancat narkotike, sipas Policisë, dyshohet se janë të llojeve marihuanë dhe kokainë.

“Policia e rajonit të Prishtinës, në kuadër të punës së saj për parandalimin e veprimtarive kriminale që po i sjellin dëme shoqërisë, ka intensifikuar veprimet e saj në drejtim të identifikimit dhe kapjes së personave të përfshirë në raste kriminale. Mbrëmë nga njësite policore të stacionit të Lipjanit, janë shoqëruar tre persona të dyshuar, të cilëve u është gjetur dhe sekuestruar sasi të substancave narkotike që dyshohet të jenë të llojeve marihuanë dhe kokainë”, thuhet në njoftimin e Policisë së Kosovës.

Tutje, Policia e Kosovës ka theksuar se personave të dyshuar u janë iniciuar raste për posedim të paautorizuar të substancave narkotike, psikotrope apo analoge.

“Personat e dyshuar janë ndaluar në dy raste të ndara, derisa policia po kryente kontrolle rutinë të automjeteve në lokacione të ndryshme të Lipjanit. Pas intervistimit të personave të dyshuar, ndaj tyre janë iniciuar raste për posedim të paautorizuar të substancave narkotike, psikotrope ose analoge”, bëhet e ditur në njoftimin e PK-së.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika