Një person është shoqëruar në polici, pasi në traktorin e tij po kontrabandonte pllaka të qeramikës, të cilat dyshohet të jenë marrë nga Serbia për t’u futur në Kosovë.
Në njoftimin e policisë thuhet se traktori me mallra është konfiskuar dhe dërguar në terminal doganor, teksa i dyshuari është liruar në procedurë të rregullt.
Ngjarja ka ndodhur në fshatin Karaqevë.
“Është shoqëruar i dyshuari mashkull kosovar, pasi në traktorin e tij kishte të ngarkuar pllaka të qeramikës që dyshohen të jenë të kontrabanduar nga Serbia për në R. Kosovës. Me vendim të prokurorit, traktori me mallra është konfiskuar dhe dërguar në terminal doganor, ndërsa i dyshuari është liruar në procedurë të rregullt”, thuhet në njoftim.