Sipas zyrtarëve një shpërthim në një tubacion gazi në Lituaninë qendrore ka dërguar flakët pesëdhjetë metra në ajër të premten e 13 janarit, dhe ka detyruar evakuimin e një fshati aty pranë.
Mediat lokale kanë thënë se nuk ka raportime për të lënduar. Zjarrfikësit kanë ardhur me shpejtësi në vendngjarje, por nuk kanë mundur të bënin asgjë.
Kompania operatore, “Amber Grid”, ka prerë menjëherë rubinetin në tubacionin, i cili shkon paralel me një tjetër dhe transporton gaz natyror nga Klaipeda në bregdetin Baltik në Letoni. Kompania ka thënë se tubacioni tjetër nuk ishte dëmtuar.
Në një deklaratë, CEO i “Amber Grid”, Nemunas Biknius, ka thënë se rrethanat e incidentit po hetoheshin.
Në raportimet e mediave lokale thuhet se ministri letonez i energjisë ka thënë se i ishte thënë se incidenti ishte një aksident teknik, raporton euronews.