Një video e cila tregon një burrë gjersa vozit një trotinet elektrik ku në pjesën e pasme të së cilit gjendet një fëmijë, është bërë virale.
Videoja është publikuar nga grupi në Facebook, “Vrojtuesit e lagjes”.
Bazuar në videon e publikuar, mënyra sesi fëmija është vendosur në pjesën e pasme të trotinetit tregon dukshëm se nuk është aspak i sigurt.
Përdorimi i trotinetave elektrikë ka shënuar një rritje në kryeqytetin e Prishtinës.
Si shkak i mungesës së shtegut për trotinetë elektrikë, ka pasur ankesa nga qytetarët të cilët e kanë konsideruar vazhdimisht si “jo të përshtatshëm për hapsirën ekzistuese”.
Në muajin qershor, Komuna e Prishtinës kishte njoftuar se së shpejti kjo çështje do të rregullohet me ligj.
Nënkryetari Alban Zogaj, ka prezantuar disa nga rregullat për qarkullimin e E-Scooters.
“Mjetet elektrike me dy ose më shumë rrota të drejtuara me timon mekanik, sisteme të frenimit, sinjalistikë, bori dhe që vihen në lëvizje nga një motor elektrik i nënshtrohen rregullave të trafikut dhe kushteve të përcaktuara sipas Ligjit për automjete të Republikës së Kosovës. Fuqi maksimale 500W, shpejtësia maksimale 25km/h dhe mosha 15+”, kishte deklaruar Zogaj.