Deri në orën 16:00 janë numëruar 5,065 nga 5,225 kuti votimi në të gjithë Shqipërinë, sipas të dhënave zyrtare të Komisionit Qendror të Zgjedhjeve (KQZ).

Rezultatet e deritanishme tregojnë një avantazh të thellë të Partisë Socialiste, e cila kryeson me 82 mandate. Performancën më të mirë PS e ka shënuar në qarqet Tiranë, Fier, Durrës dhe Elbasan.

Koalicioni i udhëhequr nga Partia Demokratike ka arritur në 52 mandate, pasi rimori një mandat që më herët i kishte shkuar partisë “Mundësia” të Agron Shehajt.

PSD-ja e Tom Doshit ka siguruar 3 mandate, duke u renditur si forca e tretë në Kuvend.

Koalicioni “Nisma Shqipëria Bëhet” ka fituar 1 mandat.

Lëvizja Bashkë ka siguruar gjithashtu 1 mandat.

Deri tani, Partia Socialiste ka një epërsi prej mbi 236 mijë votash ndaj rivalëve.

Rezultatet mund t’i shikoni KËTU.