Kontingjenti i III-të i Forcave të Armatosura të Shqipërisë dhe anija “Lissus” janë nisur në lundrimin për të marrë pjesë në misionin e NATO-s, “Sea Guardian” në detin Egje.
Kështu ka bërë të ditur ministri i Mbrojtjes në Shqipëri, Niko Peleshi, përmes një postimi në rrjetin social Facebook.
“Efektivët tanë do të punojë ngushtë me partnerët e NATO-s dhe autoritetet vendore për të siguruar që deti Egje të mbetet një zonë e sigurt dhe e qetë për të gjithë si dhe për të ndihmuar në mbrojtjen e interesave të Aleancës në rajon”, ka shkruar Peleshi.
Pjesëmarrja e Forcës Detare në operacionin “Sea Guardian” si pjesë përbërëse e Grupit të Dytë Detar të NATO-s, ka filluar në nëntor të vitit 2016 me anijen Oriku.
Efektivat dhe anija shqiptare kanë rolin e patrullimit dhe të raportimit të trafikut të emigrantëve, në zonën operacionale dhe ndërhyrje, duke ofruar ndihmë në rastet kur jetët njerëzore janë në rrezik.