Partia Socialiste e Edi Ramës ka fituar bindshëm më shumë bashki sesa partitë dhe koalicionet e tjera në zgjedhjet lokale në Shqipëri.
Deri tani, 50 bashki i ka fituar PS-ja, kurse opozita vetëm shtatë. PS-ja ka fituar edhe në Shkodër, e cila mendohej se ishte bastion i së djathtës në Shqipëri. Po ashtu, partia e Edi Ramës ka fituar edhe në vendlindjen e Sali Berishës, në Tropojë.
Numërimi ende është duke vazhduar në Tiranë, Kukës e Malësi të Madhe.
Në kryeqytet, favorit është Erion Veliaj, i cili është para kundërkanditatit të tij me votat e numëruara.
Kryeministri i Shqipërisë, Edi Rama, i ka falënderuar qytetarët e Shqipërisë për besimin e dhënë, teksa ka thënë se “ndihet i vogël” përballë fitores së madhe që shënoi partia e tij.