Kombëtarja shqiptare do të përballet me Letoninë, në një ndeshje kualifikuese për Botërorin e ardhshëm.
Përballja zhvillohet në stadiumin “Skonto Stadions” në Riga, duke nisur nga ora 20:45.
Kuqezinjtë synojnë fitoren me çdo kusht për të rritur gjasat për kualifikim nga grupi, mirëpo trajneri Silvinjo nuk do të ketë të gjithë lojtarët në dispozicion.
Mungesë e madhe do të jetë kapiteni Berat Gjimshiti, i cili nuk do të mund të luajë për shkak të problemeve fizike.
Po ashtu, edhe mbrojtësi Arlind Ajeti është jashtë liste për ndeshjen ndaj Letonisë, për shkak të një shqetësimi muskulor.
Lajmin për mungesën e Ajetit e ka konfirmuar vetë Federata Shqiptare e Futbollit, përmes një njoftimi zyrtar.
Kujtojmë se të dy lojtarët ishin titullarë në ndeshjen e fundit kundër Serbisë, e zhvilluar disa ditë më parë në “Air Albania”.