Shqipëria ka siguruar një vend në finalen e madhe të Eurovisionit që po mbahet në Zvicër.
Grupi “Shkodra Elektronike” ka mahnitur publikun me paraqitjen e fuqishme të këngës “Zjerm”, duke fituar mjaftueshëm vota për të kaluar në natën finale.
Shqipëria u kualifikua e dyta, menjëherë pas Norvegjisë.
Biletë në finale, veç Shqipërisë e Norvegjisë, siguruan edhe Suedia, Islanda, Holanda, Polonia, San Marino, Estonia, Portugalia dhe Ukraina.
Të enjten do të jetë gjysmëfinalja e dytë, ku 10 nga 16 shtetet shkojnë në finale.
Finalja do të mbahet më 17 maj, të shtunën, ku Shqipëria do të rikthehet për të garuar për çmimin e madh të Eurovisionit 2025.