Zelimkhan Abakarov, i cili ka prejardhje çeçene, por e përfaqëson Shqipërinë në sportin e mundjes, të shtunën ka triumfuar në finale të Kupës së botës, nën tingujt e himnit shqiptar, dhe duke valëvitur flamurin kuqezi në Beograd.

Kryeministri i Shqipërisë, Edi Rama, është ndjerë krenar për këtë arritje, duke e quajtur sportistin, ‘mundës fantastik’.

“Zelimkhan Abakarov, mundësi fantastik me nënshtetësi shqiptare, shpallet kampion bote dhe nën tingujt e himnit tonë kombëtar ngre flamurin kuqezi në Beograd”, ka shkruar Rama në rrjetin social Facebook.

Foto nga ndeshja

Zelimkhan Abakarov, i cili i ka dhuruar Shqipërisë medaljen e parë të artë në sportin e mundjes në një kampionat botëror. Ai u shpall kampion bote në kategorinë e 57 kilogram.

Po ashtu, në njoftimin e Komitetit Olimpik Kombëtar Shqiptar (KOKSh), bëhet e ditur se ai ka dominuar në çdo sekondë të ndeshjes.

Në majë të Botës dhe medalje ari për mundjen shqiptare. Zelihmkan Abakarov fiton në finalen e madhe, duke munduar amerikanin Thomas Patrick Gilman, dhe valëvitur flamurin kuqezi në mes të Beogradit. Mundësi shqiptar dominon në çdo sekondë të ndeshjes, duke e merituar plotësisht medaljen e artë e duke u shpallur kampion Bote në peshën 57 kg”, thuhet në njoftimin e KOKSh-së.

Në finale, ai triumfoi 7-2 ndaj amerikanit Gilman.

#WrestleBelgrade FS 57kg medal bouts results

🥇 Zelimkhan ABAKAROV 🇦🇱 df. Thomas GILMAN 🇺🇸, 7-2

🥉 Zanabazar ZANDANBUD 🇲🇳 df. Wanhao ZOU 🇨🇳, via fall
🥉 Stevan MICIC 🇷🇸 df. Reineri ANDREU ORTEGA 🇨🇺,

— United World Wrestling (@wrestling) September 17, 2022

Ndërsa, Abakarov në gjysmëfinale kishte eliminuar nga gara serbin Stevan Miçiq, i cili ka medalje evropiane.

Ai kishte fituar medaljen e artë në 65 kilogram stil i lirë për meshkuj, në Lojërat Mesdhetare 2022 të mbajtura në Oran të Algjerisë.

Gjithashtu, ai ka fituar medaljen e argjendtë në veprimtarinë e tij në Lojërat e Solidaritetit Islamik 2021 të mbajtura në Konya, Turqi.

#WrestleBelgrade Day Eight Finals Preview

Saturday night’s Finals (18:00 local time):
57kg – Thomas GILMAN 🇺🇸 vs. Zelimkhan ABAKAROV 🇦🇱
74kg – Kyle Douglas DAKE 🇺🇸 vs. Tajmuraz SALKAZANOV 🇸🇰
92kg – Kamran GHASEMPOUR 🇮🇷 vs. J'den COX 🇺🇸 pic.twitter.com/szz2avyxRN

— United World Wrestling (@wrestling) September 17, 2022

Sportisti shqiptar me origjinë çeçene mund serbin dhe kalon në finale