Në përgjigjen e “Eurostat” për emisionin “Mirëmëngjes” në Euronews Albania, theksohet se 8 mijë e 845 shqiptarë kërkuan azil për herë të parë.
Por, shifrat rriten, kur shtohen edhe ata që kanë aplikuar më herët dhe janë në pritje të një përgjigjeje, por edhe për minorenët e pashoqëruar. Gjatë vitit 2021, së bashku me aplikimet në pritje janë plot 13 mijë e 210 shqiptarë që kanë kërkuar azil në Evropë.
“Pas Shqipërisë, renditet Maqedonia e Veriut për azilkërkuesit, por me një diferencë të konsiderueshme. Nga Maqedonia aplikuan 3 mijë e 20 persona. Ndërsa, vendi me numrin më të ulët të azilkërkuesve në rajon është Mali i Zi, me 250 azilkërkues”, raporton Telegrafi.
Vendi në të cilin shqiptarët kanë kërkuar më shumë azil është Franca, ndërsa vendi me azilkërkuesit më të shumtë minorenë është Belgjika, ku aplikuan, gjithsej, 20 minorenë.
Në total, 55 minorenë kanë aplikuar për azil në BE nga Shqipëria, dhe 25 nga Kosova.