Pas humbjes së Shqipërisë nga Italia në ndeshjen e parë të saj në Kampionatin Evropian, Faruk Staovci ka thënë se është prit një rezultat i tillë pasi që dihet se Italia është një kombëtare e fuqishme në futboll, ashtu siç janë edhe kombëtarja e Kroacisë apo edhe ajo e Spanjës të cilat janë në këtë grup.
“Italia është kampione”, ne mund të kemi qejf dhe të mbajmë ymyt në fitoren e kuqezinjëve, por duhet të dimë se kush ishte kundërshtari, ka thënë Statovci në emisionin Euro Dueli në RTV Dukagjini.
“Një humbje dinjitoze e Shqipërisë”
Humbjen e Shqipërisë në ndeshjen e parë në Euro 2024 me Italinë profesori Bylbyl Sokoli e ka quajtur si humbje dinjitoze kur dihet se Italia është kampion i Evropës.
Ndërsa Liridon Leci ka thënë se fillimi i ndeshjes ishte i mirë, por gjatë 90-të minutave kombëtarja e Shqipërisë në portë kishte vetëm një gjuajtje përveç asaj të golit.
Ai ka thënë se kjo është shumë pak për një kombëtare siç është Shqipëria pasi që ajo ka treguar rrugës se mund të bëjë më shumë.
Shqipërisë nuk i mjafton përkrahja e tifozëve, humb nga Italia