Këngëtarja me rrënjë nga Kosova, Rita Ora, është befasuar nga një kandidate shqiptare që po garonte në “The Voice Australia”, ku Ora është pjesë e jurisë.
Sihana Haxhnikaj është shqiptarja nga Kosova që performoi këtë herë në audicionin e ‘The Voice Australia’, si një sukses që shqiptarët e bëjnë nëpër botë.
16-vjeçarja garoi me këngën ‘Nothing Breaks Like a Heart’ të Miley Cyrus.
Ajo tërhoqi vëmendjen e të gjithë publikut, i cili e duartrokiti pafund.
Mirëpo, kur bëhet fjalë për jurinë, ajo që e shtypi butonin kalues ishte pikërisht këngëtarja shqiptare me famë ndërkombëtare, Rita Ora.
Madje, në momentin që Rita mësohen se Sihana ishte me origjinë nga Kosova, reagon në mënyrë epike.
Ajo e përshëndeti në gjuhën shqipe, duke i thënë: “Zemër si je? Mirëmbrëma”. Më pas u shpreh shumë e lumtur që Sihana ishte pjesë e grupit të saj tashmë.
Momenti është nga minuta e 2:00.