Gjatë kontrollit të intensifikuar të trafikut të premtën në Maqedoninë e Veriut, 198 këmbësorë janë sanksionuar për kundërvajtje rrugore. 149 për kalim të pasigurt të rrugës jashtë vendkalimit për këmbësorë, ndërsa 18 të tjerë për kalim në semafor të kuq.
Ministria e Brendshme në Maqedonin e Veriut ka njoftuar se gjatë kontrollit janë regjistruar edhe 135 shkelje të tjera.
“Kontrollet e intensifikuara të trafikut vazhdojnë edhe në ditët në vijim. Apelojmë tek qytetarët që të respektojnë rregullat dhe rregulloret e qarkullimit rrugor”, ka thënë në njftim Ministria e Brendshme në Maqedoninë e Verit.
“Këmbësorët duhet të kalojnë rrugën në vendkalim të shënuar për këmbësorë sepse do të sanksionohet mosrespektimi i rregullave të qarkullimit rrugor. Të gjithë së bashku, duke respektuar rregullat, duhet të kontribuojmë për rrugë më të sigurta”, ka shtuar Ministria e Brendshme në Maqedoninë e Veriut.