ShSKUK-ja paditet në gjykatë për anulimin e një konkursi

Shërbimi Spitalor Klinik Universitar i Kosovës është paditur në Gjykatën Themelore të Prishtinës, për anulimin e një konkursi i cili do t’ia shtonte këtij institucioni 15 infermierë të rinj. Padinë e kanë paraqitur aplikantët e pakënaqur, të cilët kaluan me sukses testin me shkrim dhe intervistën

Qendra Klinike Universitare e Kosovës(QKUK)

Shërbimi Spitalor i Klinik Universitar i Kosovës ka anuluar pjesërisht një konkurs, i cili do t’ia shtonte këtij institucioni shëndetësor 15 infermierë të rinj.

Albina Halili, një prej aplikantëve që kaloi testin me shkrim dhe intervistën, ka mbetur e zhgënjyer nga ky vendim i drejtuesëve të ShSKUK-së.

“Kam aplikuar me shumë entuziazëm dhe kam pasur shumë shpresa që i jam referuar atij konkursi. Do të thotë, i jemi nënshtruar intervistimit me gojë, testit me shkrim. Kemi kaluar me shumë sukses, madje me pikë maksimale në testin me shkrim dhe intervistimin, ku edhe është marrë vendimi për anulimin e konkursit”, ka thënë Halili.

Albina Halili, aplikante

Drejtoria e SHSKUK-së, në një përgjigje me shkrim për televizionin, kanë thënë se konkursin e anuluan për shkak të shkeljeve procedurale.

“Ushtruesja e detyrës së drejtorit të përgjithshëm të ShSKUK-së, pas marrjes së detyrës ka kërkuar një raport nga Zyra e Personelit në QKUK lidhur me rrjedhën e konkursit për Infermier/e me shkollim Bachelor dhe atë të Mesëm. Bazuar në këtë raport, është kërkuar interpretim nga Zyra Ligjore e QKUK-së, e cila në interpretimin e saj ka cekur disa shkelje  procedurale në konkursin  për Infermier/e me Shkollim të Mesëm. Konform intepretimit ligjor konkursi është anuluar pjesërisht, vetëm për infermier/e me Shkollim të Mesëm”, ka deklaruar ShSKUK.

Një prej shkeljeve që ishte evidentuar në konkurs, ishte zëvendësimi i një anëtari të komisionit në ditën e testimit.

Avokati Florim Shefqeti, që mbron 11 prej aplikantëve të pakënaqur, tregon se komisioni e kishte njoftuar me kohë për këtë ndryshim, ushtruesen e detyrës së drejtoreshës së SHSKUK-së, Pranvera Zejnullahu Raci.

“Përmes këtij email-i, ku i tërë komisioni rekrutues ka qenë në CC, të njoftuar dhe poashtu janë njoftuar që edhe drejtoreshës ia kanë dorëzuar propozimin e vendimit për nënshkrim, ka kandidatë që kanë thënë se do të deklarohen edhe në prokurori, që e kanë dëgjuar personat e përmendur duke i thënë zonjës Shatrolli që të shkoj në komision”, ka thënë Shefqeti.

Florim Shefqeti, avokat

Megjithatë, sipas tij, Zejnullahu Raci ka refuzuar ta nënshkruaj më pas këtë ndryshim.

“Ne besojmë se ky vendim duhet të anulohet, edhe për nga forma e tij, mungesa e arsyetimit, por edhe nga mungesa e arsyetimit të pretendimeve ankimore, respekitivisht fakteve vendimtare, sepse vlen të theksohet se vendimi për anulimin e konkursit, nuk ka përmbajtur fare këshillë juridike, do të thotë ka bërë mohimin e të drejtës në paraqitjen e mjetit juridik efektiv”, ka shtuar Shefqeti.

RTV Dukagjini ka provuar disa herë që të kontaktoj me Zejnullah Racin, megjithatë ajo nuk është përgjigjur.

Aplikantët e pakënaqur, tashmë kanë dorëzuar padi në Gjykatën Themelore të Prishtinës, së cilës po i kërkojnë që ta rrëzoj vendimin për anulimin e konkursit.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika