Shërbimi Spitalor Klinik dhe Universitar i Kosovës (SHSKUK) njofton se ka përfunduar me sukses ekzaminimet sistematike mjekësore të kandidatëve për kadetë të rinj.
Në këto ekzaminime sistematike mjekësore përfshihen testimet psikologjike-mjekësore të kandidatëve për kadetë të rinj të Policisë së Kosovës, në përputhje me marrëveshjen që kishte me Policinë e Kosovës.
Ekzaminimet kanë filluar më datën 10 maj dhe kanë përfunduar më 2 qershor 2022, gjithsej, janë ekzaminuar 522 kandidatë.
SHSKUK njofton se në këtë proces ishin të angazhuar profesionistë të klinikave dhe shefa të shërbimeve nga ShSKUK/QKUK, specialistë të fushave të ndryshme, psikologë dhe laborantë e infermierë.
Ekzaminimet mjekësore sistematike janë në koordinim nga koordinatori i këtij procesi, Dr. Edmond Haliti dhe Dr. Lindita Kajtazi nga Departamenti i Shëndetësisë në Policinë e Kosovës. Haliti dhe Kajtazi kanë përcjellë dhe ndihmuar në këtë proces.