Kadetët e Akademisë Ushtarake të Forcës së Sigurisë së Kosovës këtë të shtunë kanë një plan stërvitjeje ushtarake në zonën e Gërmisë.
Atyre në “Shtegun e Lavdisë” prej 13 kilometrash ecje iu bashkua edhe ministri në detyrë i Mbrojtjes, Ejup Maqedonci, njofton Dukagjini.
“Ecja ime e zakonshme në Gërmi sot mori një energji krejt tjetër – një pjesë të rrugës e bëra së bashku me kadetët e Akademisë Ushtarake të FSK-së, oficerët e ardhshëm që po realizonin marshin kondicional 13 km “Shtegu i Lavdisë”. Disiplina dhe përkushtimi i tyre janë frymëzim i vërtetë”, ka shkruar Maqedonci.