Shtëpia botuese “Dukagjini” dhe përfaqësuesi i autorizuar i shoqatës, “Turkish Teachers Society
of Kosovo” në Republikën e Kosovës, Erol Kala, të enjten kanë nënshkruar marrëveshje që t’i japin falas librat nga klasa 1-5 për nxënësit e komunitetit turk në Kosovë.

Dje, Shtëpia botuese “Dukagjini” ka nënshkruar marrëveshje për shpërndarjen falas të librave për komunitetin boshnjak në Kosovë me deputeten, Duda Balje.

Ky hap i tillë është marrë për herë të parë.

Që nga e hëna, mijëra nxënës nga komuniteti turk e boshnjak do të kenë në bankat e tyre librat me të cilët do të shërbehen për të nxënë dije të reja.

“Shpërndarja e këtyre librave do të bëhet brenda një afati rekord. Ne, si shtëpi botuese, në vazhdimësi jemi treguar të vullnetshëm që t’u dalim në krah institucioneve dhe të gjitha komuniteteve në Kosovë”, ka njoftuar dje “Dukagjini”.