Gjatë një ndeshje miqësore në Valenciennes, Valon Berisha dhe Arbër Zeneli, dy lojtarë të ekipit Stade de Reims, janë plaçkitur në shtëpinë e tyre.
Dëmi llogaritet në mes 300 dhe 350 mijë euro, ka bërë të ditur zyra e prokurorit të Reims, duke konfirmuar informacionin e France Bleu Champagne-Ardenne, raporton 20min.
Pasditen e së mërkurës së 2 gushtit, Valon Berisha dhe Arbër Zeneli zhvilluan një ndeshje miqësore në Valenciennes me skuadrën e Stade de Reims.
Pikërisht atëherë dy persona kishin përfituar nga mungesa e tyre për ta grabitur shtëpinë e dy lojtarëve që jetojnë së bashku.
Sipas prokurorit të Reims, Ludovic Andre, vjedhja ka të bëjë me dy çanta Luis Vuitton dhe shtatë orë Rolex për dëme të vlerësuara në 350 mijë euro.
“Vjedhja është konstatuar për mbrëmjen e së mërkurës, hetimet janë hapur dhe policia gjyqësore ka filluar hetimet”, ka thënë prokurori.
Një dëshmitar thuhet se ka parë dy persona duke ikur me një automjet Renault të errët.
Pra tashmë ka një dëshmitar të rastit dhe kamerat e CCTV janë në funksion”, ka shtuar prokurori, duke treguar se ende nuk kanë rënë në gjurmët e grabitësve.
Alors qu’ils jouaient avec la réserve de Reims, Arbër Zeneli et Valon Berisha se sont fait voler des sacs Vuitton et sept Rolex. https://t.co/xH2Pr8g1Ky
— 20 minutes (@20minutesOnline) August 3, 2023