Sekretarja e shtypit e Shtëpisë së Bardhë, Karine Jean – Pierre, në një deklaratë të shtunën ka thënë se Shtetet e Bashkuara të Amerikës (ShBA) e “dënojnë fuqishëm” sulmin në sallën e koncerteve në Moskë.
Jean – Pierre ka thënë se ISIS, i cili ka marrë përgjegjësinë për sulmin pa dhënë prova, është një “armik i përbashkët terrorist që duhet mposhtur kudo”.
“Ne shprehim ngushëllimet tona më të thella për ata që humbën të dashurit dhe për ata që u plagosën ose u prekën nga këto sulme të pandërgjegjshme kundër civilëve të pafajshëm. ISIS është një armik i përbashkët terrorist, duhet mposhtur kudo”, ka thënë ajo.
Të paktën 133 persona kanë vdekur dhe shumë të tjerë janë plagosur pasi sulmuesit sulmuan vendin me armë dhe pajisje ndezëse, raporton CNN, përcjellë Dukagjini.
Presidenti rus, Vladimir Putin e ka quajtur sulmin një “akt terrorist barbar”.