Një burrë dhe një grua me shtetësi të huaj kanë raportuar se janë grabitur në orët e para të së premtes në Prishtinë, ka bërë të ditur Policia e Kosovës.
Sipas njoftimit policor, dy viktimat kanë qenë në një parking kur janë sulmuar nga një grup prej 5-6 personash të dyshuar. Dy prej tyre, nën kërcënimin e armës dhe thikës, u kanë marrë një shumë parash dhe më pas janë larguar në drejtim të panjohur.
“Dy viktima me shtetësi të huaj kanë raportuar se, derisa kanë qenë në një parking, 5-6 persona të dyshuar, dy prej tyre nën kërcënimin e armës-thikës, ua kanë grabitur një shumë parash dhe janë larguar në drejtim të panjohur”, thuhet në njoftimin e Policisë së Kosovës.
Policia ka bërë të ditur se rasti është iniciuar si “Grabitje” dhe po hetohet nga njësitë kompetente.