Një shtetas rus i quajtur Ruslan Zinin është bërë dëshmitar i një incidenti të rëndë të ndodhur në Irkutsk të Siberisë.
Ai të hënën e 26 shtatorit ka qëlluar dhe plagosur një komandant ushtarak në një qendër regjistrimi për të mobilizuarit e luftës, ka shkruar Washington Post.
Ngjarja ka ndodhur në qytetin Ust- Ilimsk, që sipas orës lokale të vendit të shtënat kanë ndodhur gjatë pasditës.
Kujtojmë se, komandanti ushtarak ishte kreu i komitetit lokal të draftit ushtarak.
Videoja e personit duke përhapur zjarrin u bë virale në rrjete sociale.
Sulmin personi pretendohet se e kishte bërë, pasi ishte i shqetësuar që shoku i tij i ngushtë ishte thirrur për detyrë edhe pse nuk ka pasur asnjë shërbim paraprak ushtarak.
Për këtë incident të shkaktuar, Zinin u arrestua.
Guvernatori rajonal i Irkutsk, Igor Kobzev ka shkruar në bllogun e tij se Zinin do të arrestohet dhe ndëshkohet.
“Nuk mund ta mbështjell kokën me atë që ndodhi dhe më vjen turp që kjo po ndodh në një kohë kur, përkundrazi, duhet të jemi të bashkuar”, ka thënë ai.
Ndërkaq, siç transmeton Washington Post, nëna e Zinin, Marina Zinin, ka thënë se djali i saj ishte i shqetësuar pasi shoku i tij më i mirë mori thirrjen pavarësisht se nuk kishte shërbyer kurrë në ushtri.
“Ata thanë se do të kishte mobilizim të pjesshëm, por rezulton se i marrin të gjithë”, citohet të ketë thënë ajo.
Shtojmë se ky incident, ka shqetësuar qytetarët e vendit dhe ka bllokuar rrugët e qytetit.