Vetëm në 24 orët e fundit të raportit të Policës së Kosovës janë gjithsej 11 raste të raportimeve të dhunës në familje.
Rastet kanë të bëjë kryesisht me dhunë që bashkëshorti ose ish-bashkëshorti i gruas që ka raportuar ka ushtruar dhunë fizike ose psikike mbi të.
“Është arrestuar i dyshuari mashkull kosovar pasi që i njëjti pas një mosmarrëveshje kishte sulmuar fizikisht viktimën femër kosovare- bashkëshorten e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”.
Ky është një nga rastet që është regjistruar në komunën e Fushë Kosovës.
Të ngjashme ka pasur në Gjilan, Podujevë e Prishtinë.
Madje, ka të tilla raste që një grua ka raportuar që burri e ka kanosur ndërmjet telefonit derisa ai është në vuajtje të dënimit në burg.
Sipas aktivistes për te drejta të njeriut, Neri Ferizi vetëdija për të raportuar rastet e dhunës, është rritur shkaku i rasteve të fundit ku për katër ditë dy gra mbetën të vrara nga burrat e tyre.
“Ka ndiku frika që neser-masnesër me përfundu të vrame nëse nuk I lajmërojnë këta njerëz në instanca të caktume”, ka thënë Ferizi.
Ferizi komenton edhe arsyet e mundshme që në vend ka numër të madh të rasteve të dhunës në familje me bazë gjinore.
“Mënyra se si i shohim rolet gjinore është problematike dhe pushteti i takon vetëm burrin, qoftë për brenda familjës, qoftë në hapësira publike dmth në secilën hapsirë publike edhe nëse flasim për politikë gratë sa do që janë aty nuk e kanë pushteitn taman qysh e kanë burrat brenda subjekteve politike”, ka thënë ajo.
Pos dhunës ndaj gruas në Gjilan një person kishte sulmuar nënën dhe mbesën e tij të cilën e kishte kapur edhe për fyti. I njëjti është arrestuar dhe me vendim të prokurorit është dërguar në mbajtje.