Shtyhet debati parlamentar për politikën e jashtme, mungojnë Kurti e Gërvalla

Shefi i Grupit Parlamentar i Partisë Demokratike të Kosovës, Abelard Tahiri, në emër të të gjitha grupeve të tjera parlamentare, ka kërkuar që debati i paralajmëruar për politikën e jashtme të shtyhet deri në seancën e radhës.

Kështu ka thënë ai, pasi ministrja e Punëve të Jashtme, Donika Gërvalla, dhe kryeministri i Kosovës, Albin Kurti, nuk ishin të pranishëm në sallë.

Sipas Tahirit, nuk është i arsyeshëm që ky debat të mbahet pa marrë pjesë Kurti dhe Gërvalla në seancë.

“Jemi njoftuar nga mazhoranca që ministrja e Punëve të Jashtme dhe kryeministri nuk do të jenë në Kosovë sot, kur ne veç se e kishim caktuar ditën për këtë seancë, prandaj një debat i tillë nuk ka kurrfarë kuptimi që të mbahet”, është shprehur ai.

Tahiri, po ashtu, shtoi se janë disa çështje për të cilat do të donin të merrnin përgjigje, pikërisht, nga Kurti e Gërvalla, andaj sipas tij, deputetët e grupeve parlamentare kanë vendosur që t’i presin deri në seancën e radhës që do të caktohet pas mbledhjes së kryesisë së kuvendit.

“Janë disa çështje që vazhdojnë të jenë shqetësim i yni, për të cilat presim të marrim përgjigje nga kryeminsitri dhe ministrja e jashtme”, ka shtuar ai.

Ndonëse, ky debat parlamentar është shtyrë, seanca e rregullt ka vazhduar, megjithëse numri i pranishëm i deputetëve ishte i paktë.

Në sallën e kuvendit, kryeparlamentari Glauk Konjufca, është munduar që përmes ziles t’i ftojë deputetët që ndodheshin në hollin apo byfenë e kuvendit.

Ndërkohë, pikat e tjera të rendit të ditës janë shqyrtimi i parë i Projektligjit për Kompensimin e Viktimave të Krimit dhe atij për Pronën Publike, shqyrtimi i dytë i Projektligjit për bashkëpunim juridik ndërkombëtar në çështjet civile dhe atij për ndryshim- plotësimin e Ligjit për bashkëpunim juridik ndërkombëtar në çështje penale.

Po ashtu, do të shqyrtohet edhe raporti me rekomandime lidhur me mbikëqyrjen e zbatimit të Ligjit për Infrastrukturën Kritike, shqyrtimi i raportit me rekomandime lidhur me raportin e auditimit për pasqyrat financiare të Ministrisë së Arsimit, Shkencës,Teknologjisë dhe Inovacionit për vitin 2020.

Ndërkaq, pikë e njëmbëdhjetë e rendit të ditës është propozimi i Grupit Parlamentar Lista Serbe për emërimin e anëtarit në Komisionin Ad-Hoc, për përzgjedhjen e kandidatëve për një anëtar të Bordit për Ankesa të Mediave.

Ndërsa, dy pikat e fundit të seancës plenare janë zgjedhja e anëtarëve të Komisionit për Ndihmë Shtetërore dhe formimi i Komisionit Hetimor Parlamentar mbi menaxhimin e krizës energjetike nga ana e Qeverisë së Kosovës.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin "Lushtaku", është bërë shumë zhurmë në media. I ftuar në emisionin...

Të fundit nga rubrika