Kryetarja e Kuvendit, Albulena Haxhiu, ka bërë të ditur se seanca për zgjedhjen e presidentit do të vazhdojë në ora 19:00.
Ajo u ka bërë thirrje deputetëve të opozitës që të jenë të pranishëm në sallë dhe të marrin pjesë në seancë.
“Ju njoftoj që kjo seancë vazhdon sot në orën 19:00. I bëj lutje opozitës që të jenë të pranishëm në seancë”, ka deklaruar Haxhiu.
Ajo gjithashtu u është drejtuar mediave të pranishme, duke kërkuar mirëkuptim që të mos pengojnë zhvillimin e seancës, por të raportojnë për interesin publik.
“Jeni këtu për t’i raportuar qytetarëve të Republikës së Kosovës, por të mos ndikoheni nga diskutimet tona”, është shprehur ajo.
Nis seanca e presidentit, Haxhiu i bën thirrje opozitës të marrë pjesë në votim