Për shkak të mungesës së kuorumit prej 80 deputetëve, në seancën e së mërkurës u shty sërish votimi i marrëveshjeve ndërkombëtare në Kuvend.

Deputetët e opozitës janë prezent në sallën e Kuvendit të Kosovës por që nuk po duan ta dëshmojnë praninë në seancë.

“Pika 6, 7, 8 barten kurdo që Kuvendi mundet t’i trajtojë në seancat e ardhshme”, deklaroi Konjufca.

Për seancë tjetër u shty edhe amendamenti i deputetit Visar Korenica për Projektligjin për shëndetin riprodhues dhe fertilizimin e asistuar mjekësor. Në votim morën pjesë vetëm 44 deputetë.

Ndërsa janë votuar disa amandamente për Këshillin e Sigurisë, dhe po ky projektligj në lexim të dytë miratohet me 62 vota pro. Ndërsa, ka dështuar të votohet projektligji për gjendjen civile.