Kandidati i PDK-së për kryetar të Lipjanit, Shukri Buja, ka zhvilluar një takim me vajzat dhe gratë e Lipjanit, të cilin e ka cilësuar si inspirues.
Ai ka theksuar se idetë dhe zëri i tyre janë thelbësore për programin dhe ekipin e tij në këto zgjedhje, duke premtuar përfshirje më të madhe të grave në vendimmarrje, fuqizim social e ekonomik.
“Ato do të kenë rol të fuqishëm në vendimmarrje, fuqizim social dhe ekonomik përmes programit tonë, hapësirë të vlerësuar në listën tonë garuese për Kuvendin Komunal, si dhe rol të rëndësishëm në ekzekutivin komunal në mandatin e ardhshëm!”, ka shkruar ai.
“Me ne, fitorja është e grave!”, ka shkruar tutje Buja në Facebook.