“Shumari n’mal me t’nxan me dru’ të dënon ma shumë!”.

Ky ishte komenti i deputetit të LDK-së, Besian Mustafa, pasi e kuptoi që ministrja e Tregtisë, Rozeta Hajdari është dënuar me 200 euro gjobë për rastin e aksidentit ku e kishte goditur një vajzë të mitur me veturë.

“Ministrja e shkelë me veturë një vajzë 9 vjeçare, dënohet 200 euro. Kaq ka vlerë për ta një fëmi, 200 euro”, ka thënë Mustafa.

Deputeti i LDK-së, tutje vazhdoi me kritika të ashpra duke thënë se VV-ja është e korruptuar shpirtërisht.

“E këta të flasin për kapje të shtetit e të gjykatësve. Këta të flasin për korrupsion. Vet janë të korruptuar edhe shpirtërisht! Plagosin fëmijë e gjykatësit e kapur i dënojnë 200 euro!”, tha ai.

Mustafa po ashtu, tha se “dorëheqja e kësaj ministreje nuk mjafton!”.

“Jeni mbuluar kokë e këmbë në turp! Të paftyrë!”, përfundoi Mustafa.