Komisioni Qendror i Zgjedhjeve ka njoftuar se të dielën në mesnatë ka përfunduar afati për dorëzimin e listave të kandidatëve për deputetë nga subjektet politike që synojnë të certifikohen për pjesëmarrje në zgjedhjet e parakohshme për Kuvendin e Kosovës.
Gjatë periudhës 14-ditore, nga 24 nëntori deri më 7 dhjetor 2025, në ora 23:59, gjithsej 24 subjekte politike kanë dorëzuar listat e tyre me kandidatët për deputetë.
Sipas KQZ-së, pothuajse të gjitha subjektet politike partive i kanë dërguar listat në ditën e fundit të afatit.
Në total, këto subjekte përfaqësohen nga 1,181 kandidatë.
Në përmbushje të detyrimeve ligjore për verifikimin e përshtatshmërisë së kandidatëve, KQZ do të procedojë me dërgimin e kërkesave zyrtare në institucionet përkatëse, së bashku me listat e kandidatëve, për të konfirmuar nëse ata i plotësojnë kushtet sipas nenit 30 të Ligjit për Zgjedhjet e Përgjithshme.