Të ftuar në emisionin “Rreth e Rrotull” kanë qenë të ftuar, Drita Peqani-Gashi, me profesion doktoreshë dhe Dafina Demolli, nutriconiste.
Sipas doktoreshës Peqani-Gashi, nuk mund të themi se dielli është i keq apo vera është e keqe për shkak të temperaturave të larta, pasi dielli është i dobishëm dhe së pari ndikon në humorin tonë e të jemi më pozitivë.
Tutje, ajo theksoi se duhet konsumuar sasi më të mëdha të ujit dhe të konsumohen sa më shumë pemë dhe perime.
“Mos të përdorim ushqime të cilat janë të vështira për t’u tretur, por të përdorim ushqime të tretshme, të ikim nga aktivitetet e rënda fizike”, ka theksuar Peqani-Gashi.
Sipas saj, moshat e shtyra, fëmijët dhe gratë shtatzëna të kenë kujdes dhe të mos i ekspozohen drejtpërdrejt diellit dhe të mos dalin prej orës 10:00 deri në 18:00.
Ndërsa, Dafina Demolli, me profesion nutricioniste, ka thënë se duhet konsumuar ushqime me karbohidrate, proteina, vitamina e minerale.
Ajo gjithashtu bëri apel edhe për mënyrën e ushqimit përgjatë sezonit veror, e veçanërisht rreth dasmave në raport me ushqimin.
“Pjesa me e mirë e çdo dasme është sallata, që është edhe si startuese ku duhet ata me frekuentu më shumë tek sallata ndoshta, mu ngop me pjesën e sallatës dhe me konsumu vetëm një pjesë të vogël të mishit, ndërsa deserti duhet eliminuar plotësisht”, ka thënë Demolli.