Nëse keni humbur telefonin tuaj iPhone, ka disa mënyra apo hapa që duhet ndjekur për të rigjetur atë.
Hapi i parë
Hapi i parë është duke përdorur Find My iPhone, i cili është aplikacion që mund të instalohet në iPhone. Atëherë duhet të instaloni këtë në një pajisje tjetër dhe pastaj në atë pajisje duhet të hapni iCloud’in të cilin e keni pasur në telefonin që ju ka humbur.
Hapi i dytë
Hapi i dytë është të hyni me Apple ID tuaj aty, pra shënoni Apple ID dhe fjalëkalimin tuaj që i keni pasur në telefonin e humbur.
Hapi i tretë
Hapi i tretë është të zgjedhni iPhone, që është iPhone juaj në këtë rast. Në momentin që ju zgjedhni iPhone do të ju shfaqet një hartë. Nëse telefoni është fikur, apo i ka mbaruar bateria, atëherë ju tregon vendndodhjen e fundit të telefonit tuaj.
Hapi i katërt
Hapi i katërt është të shtypni butonin Veprimet, që ndodhet në pjesën e poshtme të ekranit.
Hapi i pestë
Hapi i pestë është të shtypni butonin “Play Song”, pra luaj tingullin. Nëse celulari juaj që ka humbur është afër atëherë do të lëshohet një tingull dhe ju do ta keni më të lehtë për të gjetur celularin.
Hapi i gjashtë
Hapi i gjashtë është të shtypni butonin “Lost Mode”, apo modaliteti i humbur, që gjendet poshtë në qendër të ekranit. Ky buton mund të përdoret atëherë kur ju mendoni se telefonin tuaj e ka dikush tjetër, apo është vjedhur. Kur ju e shtypni butonin, nëse dikush e ka telefonin tuaj atëherë do të ju vijë një email që do të ju ndihmojë të gjeni telefonin tuaj cellular.