Kur filloni të përdorni TikTok, ju kërkohet një emër profili dhe një emër përdoruesi. Megjithatë, nëse e keni përdorur TikTok për një kohë, nuk do të ishte e pazakontë të vendosni që dëshironi të ndryshoni njërën ose të dyja.
Ndoshta keni përdorur emrin tuaj të vërtetë dhe në fillim nuk keni qenë në dijeni se emri juaj do të bëhej publik. Ose ndoshta emri që keni zgjedhur fillimisht nuk është më i duhuri për llojin e përmbajtjes që do të postoni. Ose ndoshta thjesht keni vendosur që dëshironi të njiheni nga diçka më emocionuese.
Sido që të jetë, është e thjeshtë të ndryshosh ose emrin e profilit ose emrin e përdoruesit. (Në TikTok, emri i përdoruesit është ai që paraprihet nga një shenjë @.)
Shkoni në faqen e profilit tuaj (duke shtypur ikonën e ‘Profile’ në këndin e poshtëm djathtas).
Zgjidhni ‘Edit profile’.
Pastaj e shtypeni ikonën ‘Name’(për të ndryshuar emrin e profilit tuaj) ose ‘Username’.
Shkruani emrin tuaj të ri. (Në rastin e emrit tuaj të përdoruesit, mbani mend se do të duhet të jetë unik.)
Ka disa gjëra të tjera që duhet të keni parasysh përpara se të ndryshoni emrin e përdoruesit. Së pari, emri juaj i përdoruesit mund të ndryshohet vetëm një herë në 30 ditë, prandaj sigurohuni që të jetë ai me të cilin mund të jetoni, të paktën për atë periudhë.
Përveç kësaj, nëse ndryshoni emrin tuaj të përdoruesit, kjo do të thotë se do të ndryshoni edhe URL-në tuaj personale të TikTok (e cila zakonisht është në formën si tiktok.com/@username ).
Si rezultat, kushdo që përpiqet të përdorë adresën e vjetër nuk do t’i shohë më videot e tua. Dhe së fundi, nëse keni një llogari të verifikuar dhe ndryshoni emrin tuaj të përdoruesit, ajo llogari nuk verifikohet më.