Shfletuesi juaj ka shumë informacione të ruajtura: faqet e internetit që vizitoni, fjalëkalimet tuaja, historikun e shfletimit, të dhënat që keni shkarkuar dhe shumë më tepër. Këto të dhëna vazhdojnë të grumbullohen me kalimin e kohës në kompjuterin tuaj dhe ngadalësojnë kompjuterin tuaj. Është gjithmonë një ide e mirë që të pastroni rregullisht ‘cookies’, cache, dhe historikun e shfletuesit tuaj. Kjo gjithashtu pastron një pjesë të hapësirës në kompjuterin tuaj, mbron të dhënat tuaja personale, ndërsa fshin të dhënat e panevojshme dhe përmirëson performancën e kompjuterit tuaj.
Çfarë janë ‘cookies’, ‘cache’ dhe historia?
Ju mund të keni parë dritare që ju hapen kur hyni me një faqe dhe ju dalin ‘cookie’ që ju kërkojnë të pranoni cookie kur vizitoni faqet e internetit. Ndërsa shpesh mund t’i pranoni verbërisht këto kërkesa dhe të kaloni shpejt te detyra tjetër, këto skedarë ‘cookie’ janë skedarë të krijuar nga faqet e internetit që vizitoni. Ata identifikojnë dhe gjurmojnë skedarët që e bëjnë më të lehtë përvojën tuaj në internet duke ruajtur informacionin ndërsa shfletoni ose rivizitoni një sajt, shkruan Gadgets 360.
‘Cache’ i shfletuesit kujton pjesë të faqeve, si imazhet, për të ndihmuar shfletuesin të ngarkojë një faqe interneti më shpejt gjatë vizitës suaj të radhës.
Historia juaj e shfletimit është lista e faqeve të internetit që keni vizituar në të kaluarën. Nëse dëshironi t’i mbani ato private, mund të pastroni historinë tuaj. Kjo do t’ju ndihmojë të mbani të mbrojtur të dhënat tuaja personale.
Si ta bëni këtë në Google Chrome
Hapni Chrome në kompjuterin tuaj dhe klikoni në butonin me tre pika në këndin e sipërm të djathtë.
Zgjidhni Më shumë Mjete dhe Pastro të Dhënat e Shfletimit .
Zgjidhni të gjitha këto kuti: historiku i shfletimit, historiku i shkarkimeve, cookies dhe të dhëna të tjera të sajtit.
Mund të shkoni gjithashtu te ‘Basic Settings’ për të ri-kontrolluar dhe klikuar në menunë rënëse të intervalit kohor. Ju mund të zgjidhni atë sipas preferencës tuaj, por në rast të pastrimit të cache-it, zgjidhni All time.
Në fund, klikoni në butonin Clear data.
Ndërsa në Safari
Nëse përdorni Safari, atëherë shkoni te menyja e sipërme dhe zgjidhni History > Clear History .
Tani zgjidhni periudhën kohore që dëshironi të pastroni dhe klikoni mbi Pastro Historinë .
I gjithë historiku juaj i shfletimit dhe cache do të fshihen.
Në Mozilla Firefox
Për Firefox-in, klikoni në ‘hamburger menu’ në këndin e sipërm djathtas.
Pastaj zgjidhni opsionin Privacy and Security nga paneli i majtë. Dhe më pas lëvizni më poshtë te ‘Cookies and Site Data.
Kontrolloni kutinë që thotë ‘Delete cookies and site data’ kur shfletuesi Firefox është i mbyllur pastaj klikoni Clear Data.
Pasi të keni pastruar cache-in, cookies dhe historikun e shfletuesit tuaj, do t’ju duhet të identifikoheni përsëri në faqet që përdorni, gjë që mund të jetë një problem, por duke bërë kështu do të rrisë performancën e kompjuterit tuaj, gjë që mund ta bëjë atë të vlejë përpjekja.