Komandanti i NATO-s me atë të KFOR-it kanë diskutuar për situatën e përgjithshme të sigurisë në Kosovë.
Në Camp Film City, në Shtabin e KFOR-it në Prishtinë janë takuar Komandanti i misionit të KFOR-it të udhëhequr nga NATO, gjeneralmajor Ferenc Kajari, dhe komandantin e Trupave Shpejt të Dislokueshme të NATO-s në Greqi, gjenerallejtënant Sotirios Kostakoglu.
“Gjatë bisedimeve të tyre, komandanti i KFOR-it informoi për aktivitetet e KFOR-it dhe diskutoi për situatën e përgjithshme të sigurisë në Kosovë”, thuhet në njoftimin e tyre.
Gjeneral Kajari ka shprehur vlerësimin e tij për përkushtimin dhe profesionalizmin e ushtarëve grekë në kuadër të KFOR-it.