Pavarësisht që Kelmendi bashkë me dy fshatra të tjerë Boletinin edhe Zhazhën, i përkasin komunës së Zveçanit, janë të populluar me banorë shqiptarë. E jeta e këtyre shqiptarëve këtu është e lidhur me urbanizmin e Jugut të Mitrovicës.
Çdo herë kur dikush në familje ka nevojë për barna, Ramadani Kelmendi në këmbë nga fshati Kelmend bënë rrugë deri në Mitrovicën e Jugut për të shkuar në barnatore.
“Gati na e kanë kthy shpinën institucionet. Pika e parë një katun që ska siguri me shku në qytet, psh unë jam tu shku me i ble barnat për nanat, nuk kam siguri me shku po duhem me shku”, ka thënë Ramadan Kelmendi, banor i fshatit Kelmend.
Aktualisht këto fshatra janë të qeta e zhurma e vetme e këtyre ditëve janë cicërimat e zogjve.
Por, banorët e kësaj pjese nuk presin qetësi në ditët në vazhdim para zgjedhjeve të 23 prillit.
“Sivjet është diçka tjetër sivjet po e shoh se edhe ata që na jemi kanë sikur komisionera nëpër zgjedhje jemi të pasigurt me marrë pjesë në qeto zgjedhje”, ka deklaruar Kelmendi.
E kjo pasiguri duket vjen si pasojë e zhvillimeve që kanë ndodhur kohëve të fundit në veri të vendit.
“Po t’u i marrë parasysh që kanë ndodhur shumë raste përpara nëpër territorin tonë rrugës na kanë maltretu kapak. Na kanë gjuatur e na kanë rreh kapak, por nuk ka marrë askush asnjë llojë iniciative”, ka thënë ai.
Në zgjedhjet e 23 prillit pjesëmarrëse nuk do të jetë Lista Serbe, e cila ka qeverisur për shumë vite në katër komunat e veriut të Kosovës.