Materialet e ndjeshme të votimit kanë arritur me vonesë në njërën nga qendrat e votimit në Zveçan.
RTV Dukagjini ka sjellë pamje direkte nga vendi i ngjarjes.
Gazetarja e RTV Dukagjinit, Doruntina Bylykbashi, e cila po raporton drejtpërdrejt nga vendi i ngjarjes, ka bërë të ditur se qendra në Zveçan nuk ishte gati siç ishte paralajmëruar.
Se cilat ishin arsyet se pse materialet e ndjeshme kanë arritur në këtë kohë, komisionarët nuk kanë pranuar të deklarohen.
“Po nxirren nga ky kamion materialet e ndjeshme për votim. Brenda kamionit ka edhe ujë për komisionerët dhe vëzhguesit në këtë qendër…Me gjasë kjo qendër nuk ishte gati nga dita e djeshme ashtu siç ishte paralajmëruar”, ka deklaruar gazetarja Bylykbashi.
Ndërkaq, siç raporton RTV Dukagjini, në Mitrovicën e Veriut kanë arritur materialet e votimit në kohë.
E diela e 23 prillit është data kur do të mbahen zgjedhjet e jashtëzakonshme për kryetarë të komunave në Mitrovicën e Veriut, Zubin Potok, Leposaviq dhe Zveçan.