Këshilltarja e kryeministrit të Kosovës Albin Kurti për Luginën e Preshevës, Ardita Sinani, ka akuzuar Serbinë se po i zbaton qëllimet thelbësore të marrëveshjeve, siç janë integrimi, rimëkëmbja e shpejtë ekonomike, rikthimi i popullatës së zhvendosur dhe çmilitarizimi i rajonit nga njësitë speciale të sigurisë.
Me anë të një postimi në Facebook, Sinani ka thënë se pak shqiptarë ka të përfshirë në institucionet e Serbisë.
Sipas saj, përveç obligimeve kushtetuese dhe ligjore, si dhe obligimeve që imponohen nga marrëveshjet ndërkombëtare, Serbia ka marrë edhe obligime të posaçme me tri dokumente të veçanta ndaj Preshevës, Bujanocit dhe Medvegjës, të cilat janë miratuar nga ana e Qeverisë.
“21 vjet më vonë, në të gjitha institucionet që nuk janë nën kompetenca të Komunave (që janë në kompetenca të Qeverisë Republikane ose Administratës së Rajonit), numri i shqiptarëve është simbolik, e ka madje institucione ku nuk ka fare shqiptarë. Jo vetëm që nuk janë punësuar shqiptarët lokalë, por janë sjellë edhe serbë të rajoneve të tjera nga Serbia. Kjo është Serbia për pakicat e saj kombëtare”, ka shkruar ajo.
