Sindikata e Policisë së Kosovës ka bërë të ditur se ka dorëzuar të martën në Kuvendin e Kosovës një peticion të nënshkruar nga punonjësit policorë lidhur me pakënaqësitë e tyre.
Këto pakënaqësi kanë të bëjnë me “Ligjin e pagave, sigurimin shëndetësor, Ligjin e pensionimit, shtesa për punë specifike dhe rrezikshmëri si dhe kushtet e punës.
“Sindikata e Policisë së Kosovës njofton punonjësit e Policisë së Kosovës dhe opinionin e gjerë se ky është njëri nga hapat sindikalë drejt realizimit të kërkesave tona ligjore”, thuhet në njoftim.